Respýblıka boıynsha tuman túsip, jel kúsheıedi – Qazgıdromet

ASTANA. KAZINFORM – «Qazgıdromet» RMK-sy jeltoqsannyń 24-i kúngi kún raıy boljamyn jarııalady.

Kásiporyn taratqan derekterge qaraǵanda, búgin 24 jeltoqsanda tsıklon oıpaty jáne onymen baılanysty atmosferalyq aǵyndardyń áserinen eldiń kóp bóliginde kún qulymaly bolady. Eldiń basym bóliginde qar jaýyp, batysynda jaýyn-shashyn (jańbyr, qar) bolady. Respýblıka boıynsha jel kúsheıip, tuman túsedi, batysta kóktaıǵaq bolady.

Osyǵan deıin elimizdiń keıbir óńirinde 35 gradýsqa deıin aıaz bolatyny habarlandy.

— Túnde aýa temperatýrasynyń tómendeýi tek ortalyq pen shyǵysta 20-35 gradýs aıazǵa deıin boljanady, al qalǵan aýmaqta temperatýralyq fonda kúrt ózgerister kútilmeıdi, — delingen habarlamada.