Respýblıka boıynsha tuman túsip, jel kúsheıedi, qar jaýady - Qazgıdromet

ASTANA. KAZINFORM – «Qazgıdromet» Qazaqstan aımaqtarynda bolatyn qaýipti meteorologııalyq qubylystarǵa boljaý konsýltatsııasyn jarııalady.

Atmosferalyq aǵyndardyń ótýimen Qazaqstan aýmaǵynyń basym bóliginde burqasyndatyp, qar jaýady, eldiń ońtústiginde, ońtústik-shyǵysynda jańbyr men qar, eldiń ońtústik-batysynda jańbyr jaýýy yqtımal.

Respýblıkanyń shyǵysynda qatty qar jaýýy boljanady. Respýblıka boıynsha tuman túsip, jel kúsheıedi, eldiń ońtústik-shyǵysynda, shyǵysynda kóktaıǵaq kútiledi.

Osyǵan deıin Almaty ákimdigi aýa raıyna baılanysty turǵyndarǵa úndeý jasaǵanyn jazdyq.