Respýblıka boıynsha tuman túsip, kóktaıǵaq bolady - Qazgıdromet

ASTANA. KAZINFORM – «Qazgıdromet» RMK-sy jeltoqsannyń 6-sy kúngi kún raıy boljamyn jarııalady.

Kásiporynnyń derekterine qaraǵanda, atmosferalyq aǵyndrdyń ótýine qaraı QR aýmaqtarynyń basym bóliginde kún qubylmaly bolady, qar jaýady, ońtústikte, ońtústik-shyǵysta jańbyr men qar jaýady.

Respýblıkanyń ońtústik-batysynda, ońtústik-shyǵysynda, shyǵysynda joǵary qysymdy óristiń áserinen kún jaýyn-shashynsyz bolady. Respýblıka boıynsha tuman túsip, kóktaıǵaq bolady, ońtústik-shyǵysta, soltústikte jel kúsheıip, soltústikte, ortalyqta burqasyn bolýy yqtımal.

Osyǵan deıin sınoptıkter jeltoqsan aıynda kún raıy qandaı bolatyny týraly boljamyn jarııalaǵan bolatyn.