Respýblıka boıynsha tuman túsip, kóktaıǵaq bolady

ASTANA. KAZINFORM — «Qazgıdromet» RMK 19 jeltoqsan kúngi Qazaqstan aýmaǵyndaǵy sınoptıkalyq jaǵdaı men qaýipti meteorologııalyq qubylystar jónindegi boljamyn jarııalady.

Elimizidiń basym bóliginde aýa raıyn soltústik-batys tsıklon jáne onymen baılanysty atmosferalyq fronttyq júıeler aıqyndaıdy. Sonyń áserinen qar jaýyp, boran soǵady, al eldiń batys óńirlerinde jańbyr men qar túrindegi jaýyn-shashyn kútiledi.

Respýblıka boıynsha tuman túsip, kóktaıǵaq paıda bolýy, jeldiń kúsheıýi boljanyp otyr.

Eske sala ketsek, 18 jeltoqsan kúni aýa raıyna baılanysty elimizdiń 14 óńirinde eskertý jarııalanǵanyn jazdyq.

Al QazAvtoJol eki oblysta kólik qozǵalysyna shekteý qoıylǵanyn habarlady.