Respýblıka boıynsha kóptegen sý qoımalaryn kúrdeli jóndeý qajet - Álıhan Smaıylov

Úkimette ótken keńeste QR Premer-Mınıstri Álıhan Smaıylovtyń 6 qazanda Shyǵys Qazaqstan oblysyna jumys sapary kezinde bergen tapsyrmalaryn oryndaýǵa qatysty sharalar qaraldy , dep habarlaıdy Kazinform.

Ortalyq memlekettik organdar men ákimdik basshylarynyń qatysýymen oblystaǵy Qandysý jáne Úıdene sý qoımalaryn, sondaı-aq óńirdiń sýarmaly jerlerindegi sharýashylyqaralyq jáne sharýashylyqishilik kanaldardy kúrdeli jóndeý máseleleri talqylandy.

Premer-Mınıstr jalpy respýblıka boıynsha kóptegen sý qoımalaryn kúrdeli jóndeý qajet ekenin, sondyqtan bul jumysty kezeń kezeńimen júrgizý kerektigin atap ótti.

Eń aldymen, basym jobalarǵa basa nazar aýdarý kerek.

Sonymen qatar keńeske qatysýshylar «Altaı» kóterme-taratý ortalyǵy, Rıdder qalasyndaǵy emhanasy bar kópsalaly aýrýhana keshenin salý máselelerin talqylady.

Premer-Mınıstr josparlanǵan jobalardyń ýaqtyly oryndalýyn qamtamasyz etý qajettigin atap ótti.

«Múddeli memlekettik organdarmen birlesip, Marqakól jáne Katonqaraǵaı aýdandaryn qalpyna keltirý jumystaryn qamtamasyz etýdi tapsyramyn. Ákimdikpen birlesip, tapsyrmalardyń barlyǵyn ýaqtyly ári sapaly oryndaý úshin vedomstvoaralyq ózara is-qımyldy kúsheıtý qajet», — dep túıindedi sózin Úkimet basshysy.