Respýblıka azamaty: ıÝlııa Polonskaıanyń álemdik saıasattan aqparat taspasyna deıingi jýrnalıstik joly
ASTANA. KAZINFORM — Saıası jýrnalıstıka, halyqaralyq issaparlar jáne álemdik saıasattyń mańyzdy oqıǵalary — ıÝlııa Polonskaıanyń kásibı jolynyń negizgi baǵyty. Búginde «QazAqparat» agenttiginiń konvergentti redaktsııasynyń redaktory medıanyń túrli formattaryn ushtastyryp, aqparatty oqyrmanǵa jedel ári sapaly jetkizý baǵytynda eńbek etip júr.
— Qazaqstan BUU Qaýipsizdik keńesine tóraǵalyq etken kezde Nıý-Iorkte, BUU shtab-páterinde jumys isteý baqyty buıyrdy. Bul, árıne, ómirimdegi eń este qalǵan issapar boldy. Óıtkeni ol men úshin eń qyzyqty tájirıbe edi. Bul — álemdik saıasattyń ortasyndaǵy jumys. Onda kelissózderdiń qorytyndysyn ǵana emes, qansha memorandýmǵa qol qoıylǵanyn, qandaı kelisimder jasalǵanyn ǵana emes, kelissózderdiń qalaı júrgiziletinin de óz kózińmen kóresiń, — dedi ol.
ıÝlııa Polonskaıa jýrnalıstıkadaǵy eńbek jolyn gazet basylymdarynan bastaǵan. Búginde ol Prezıdent Teleradıokesheniniń baspasóz, televızııa jáne áleýmettik jelilerdi biriktiretin konvergentti redaktsııasynyń jumysyn úılestiredi. Bul — keıipkerimiz úshin kásibı turǵydan jańa synaq.
— Menińshe, jýrnalıstıkany súımeıtin jáne ómirdiń san qyrly kórinisterine qyzyqpaıtyn adam konvergentti redaktsııadaǵy jumysqa tótep bere almaıdy. Óıtkeni bul — ońaı kásip emes. Materıaldyń aqparattyq taspada qalaı kórinetinin de, televızııalyq sıýjette qalaı beriletinin de bir mezgilde oılaýǵa týra keledi, — dedi ıÝlııa Polonskaıa.
Onyń áriptesi, «QazAqparat» agenttiginiń sholýshysy Erjan Ótepqalıev keıipkerdiń tyńdaı biletinin, jumys ortasynda jaǵymdy ahýal qalyptastyryp, adamdardy ortaq maqsatqa jumyldyra alatynyn atap ótedi. Óıtkeni jýrnalıstıka — jeke tájirıbe men talant qana emes, ózara túsinistik pen senimge negizdelgen birlesken eńbektiń nátıjesi.
— Erekshe atap ótkim keletini — onyń zııatkerlik deńgeıi joǵary ári ázil-qaljyńdy jaqsy túsinedi, — deıdi ol.
Іssaparlarǵa, shuǵyl materıaldarǵa jáne kún tártibindegi oqıǵalardan únemi habardar bolýǵa negizdelgen qarbalas kásibı ómirdiń ar jaǵynda otbasy tirshiligi de bar. ıÝlııanyń aıtýynsha, bul jaǵynan da joly bolǵan.
— Ómirim jumys kesteme ózdiginen beıimdelip ketken sııaqty. Ekeýi de úılesimdi qatar júrip keledi. Áıel adam tańdaý jasaýy kerek, kóbine bir nárseden bas tartýǵa májbúr bolady degen pikir bar ǵoı. Baqytyma oraı, maǵan tańdaý jasaýǵa týra kelgen joq, — dedi ıÝlııa Polonskaıa.
Osyǵan deıin Dına Aımaǵambetovanyń Jibek Joly jáne Silk Way telearnalarynyń efırlik qyzmeti týraly jazǵanbyz.
