Respýblıka aımaqtarynda táýlik ishinde shomylý kezinde 5 adam sýǵa batyp ketti
ASTANA. 17 tamyz. QazAqparat - Respýblıka aımaqtarynda táýlik ishinde shomylý kezinde 5 adam sýǵa batyp ketti, olardyń arasynda bir bala bar.
Bul týraly QR TJM baspasóz qyzmetinen habarlady.
Aqtóbe oblysynyń Ońǵar kentinde er adam sýǵa batyp ketti. Máıitti sýdan jergilikti turǵyndar alyp shyqty.
Oral qalasynda keshe saǵat 16:15-te Jaıyq ózeninde 20 jastaǵy jigit sýǵa ketti. Máıitti saǵat 17:30-da QR TJM Batys Qazaqstan oblysy TJD sý-qutqarý qyzmeti kúshteri (3 adam jáne 1 tehnıka) taýyp, sýdan alyp shyqty.
Pavlodar oblysy Qyzyljar aýylynda Ertis ózeninde 10 jastaǵy bala jáne 40 jastaǵy áıel sýǵa ketti. Olardyń máıitterin sýdan jergilikti turǵyndar alyp shyqty.
Soltústik Qazaqstan oblysy Ýálıhanov aýdanyndaǵy Sileti ózeninde 54 jastaǵy er adam sýǵa ketti. Máıitti sýdan jergilikti turǵyndar alyp shyqty.
