Respýblıka aýmaǵynyń basym bóliginde jaýyn-shashyn bolady - Qazgıdromet
ASTANA. 3 qazan. QazAqparat - 4 qazan kúni Qazaqstan aýmaǵynyń basym bóliginde atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi. Respýblıkanyń soltústiginde túnde keı jerlerde jaýyn-shashyn bolady (jańbyrdyń sońy aralas qarǵa ulasady). Tek respýblıkanyń ońtústiginde, ońtústik-shyǵysynda aýa raıy jaýyn-shashynsyz bolady dep kútilýde. Bul týraly «Qazgıdrometke» silteme jasap, QR TJM baspasóz qyzmetinen habarlady.
Aqmola, Atyraý, Batys Qazaqstan, Qostanaı, Aqtóbe oblystarynda, kúndiz Jambyl, Qaraǵandy, Shyǵys Qazaqstan oblystarynda keı jerlerde jel 15-20 m/s-qa kúsheıedi, Qostanaı oblysynda túnde jáne keı jerlerde tańerteń tuman túsedi. Kúndiz Almaty oblysynda Alakól ózeni aýdanynda 15-20 m/s jel soǵady dep kútilýde, jel ekpini 25 m/s-tan asady.
Respýblıkanyń ońtústiginde, ońtústik-batysynda, ońtústik-shyǵysynda keı jerlerde jáne ortalyǵynda joǵary órt qaýpi saqtalady.
Jaqyn táýlikterde respýblıkanyń ońtústigi, ońtústik-shyǵysy jáne shyǵysynyń taýly ózenderinde sý deńgeıiniń turaqsyzdyǵy baıqalady.
