Respýblıka aýmaǵynyń basym bóliginde naızaǵaı oınap, jańbyr men burshaq jaýyp, jeldiń ekpini kúsheıedi - Qazgıdromet
ASTANA. 16 shilde. QazAqparat - Qazaqstan Respýblıkasynyń Qorshaǵan ortany qorǵaý Mınıstrligi «Qazgıdromet» RMK málimeti boıynsha, 17 shildede Qazaqstannyń kóp bóliginde qubylmaly aýa raıy saqtalady, keı jerlerde nóserli jaýyndar bolyp, tipti burshaq jaýýy yqtımal, jeldiń ekpini kúsheıedi degen boljam bar. Tek eldiń ońtústiginde ǵana jaýyn-shashyn bolmaıdy dep kútiledi.
Aqmola, Qaraǵandy oblystarynyń keı jerlerinde jeldiń ekpini sekýndyna 15-20 metrge deıin kúsheıip, burshaq jaýýy múmkin. Jambyl, Soltústik Qazaqstan, kúndiz Batys Qazaqstan, Shyǵys Qazaqstan oblystarynyń keı jerlerinde jeldiń ekpini sekýndyna 15-20 metrge deıin kúsheıedi. Qostanaı oblysynda da jel kúsheıip, sekýndyna 15-20 metrge deıin kóteriledi dep boljanýda, túnde jáne tańerteń keı jerlerde tuman túsýi yqtımal.
Respýblıkanyń soltústik-batys, batys, ońtústik, ońtústik-shyǵysynda tótenshe joǵary órt qaýpi saqtalady.
Aldaǵy táýlikterde respýblıkanyń ońtústik, ońtústik-shyǵys jáne shyǵys bóligindegi ózenderdiń basym bóliginde sý kóleminiń aýytqýy baıqalady. Qazaqstannyń jazyq aýmaǵyndaǵy ózenderde gıdrologııalyq rejımde aıtarlyqtaı ózgerister bolmaıdy dep kútiledi.
