Respýblıka aýmaǵyndaǵy 164 saılaý ýchaskesinde «Ekzıt-pýl» zertteýi júrgizilýde
Bul týraly búgin elordada Áleýmettik-saıası zertteýler ınstıtýtynyń dırektory, áleýmettik ǵylymdar doktory Aıgúl Sádýaqasova málim etti.
«Búgin tańǵy saǵat 8.00-den bastap, Áleýmettik-saıası zertteýler ınstıtýty jalpy Qazaqstan boıynsha saılaýshylar daýys berý ýchaskelerinen shyqqan kezde saýalnamalardy alýdy bastady. Jobamen Qazaqstan boıynsha 164 saılaý ýchaskesi qamtyldy. Oǵan respýblıka boıynsha 198-ge jýyq adamdy jumyldyrdyq. «Ekzıt-pýl» zertteýine barlyq oblystar men Astana jáne Almaty qalalary, qalalyq, aýyldyq saılaý ýchaskeleri endi. Jalpy keshke deıin, bizdiń saýalnamaǵa respýblıka boıynsha 41 myń respondent qatysady. Al túngi saǵat 12-den keıin osy zertteýimizdiń nátıjesin jarııalaımyz», - dedi A.Sádýaqasova.
Onyń atap ótýinshe, saılaýshylar daýysyn berip shyqqannan keıin olarǵa «Májilis saılaýynda qaı partııaǵa daýysyńyzdy berdińiz?», - degen saýal qoıylady.
«Saǵat 15.00-ge deıin irikteý mejesiniń, ıaǵnı 41 adamnyń 50 paıyzynan saýalnama alyndy», - dedi ol.
