Respýblıka aýmaǵynda «Jolda qabyldaý» aktsııasy ótkiziledi - QR ІІM
ASTANA. 15 maýsym. QazAqparat - Memleket basshysy óziniń jyl saıynǵy Joldaýynda alǵa qoıǵan jalpymemlekettik aldyn alý júıesin qurý jónindegi mindetterge sáıkes,
sondaı-aq jol polıtsııasy qyzmetine halyqtyń senimin arttyrý maqsatynda Іshki ister mınıstrligi «Nur Otan» halyqtyq demokratııalyq partııasymen birlese otyryp, 2011 jylǵy 16 maýsymda elimizdiń árbir óńirinde «Jolda qabyldaý» kezekti aktsııasyn ótkizedi.
Bul jaıly Qazaqstan Respýblıkasy ІІM Jol polıtsııasy komıtetiniń baspasóz qyzmetinen habarlady.
Aktsııa sheńberinde memleket saıasatyn, Qazaqstan halqyna Prezıdenttiń Joldaýyn túsindirýge baǵyttalǵan is-sharalar ótkizý, azamattarǵa quqyqtyq jáne konsýltatıvtik kómek kórsetý josparlanýda. Pavlodar oblysyna shyǵa otyryp, Jol polıtsııasy komıteti basshylyǵynyń, «Nur Otan» HDP men qoǵamdyq uıymdar ókilderiniń turǵyndarmen kezdesýleri, azamattardy qabyldaýlary júrgiziletin bolady.
Aktsııany ótkizý kezeńinde jol polıtsııasy qyzmetkerleri zańdylyq pen olardyń quqyqtaryn saqtaý máseleleri boıynsha azamattarmen saýalnama júrgizitiletin bolady.
Aǵymdaǵy jyldyń naýryz aıynda ІІM Jol polıtsııasy komıteti «Nur Otan» HDP-men birlese otyryp, Jambyl oblysynyń Sarykemer jáne Merki aýdan ortalyqtarynda aktsııa uıymdastyryldy.
Osyndaı is-sharalar respýblıkamyzdyń barlyq óńirlerinde ótkizildi. Barlyǵy aktsııaǵa 6,5 myńnan astam adam qatysty, olardan 1728 ótinishter túsip, onyń kóp bóligi (1602) qanaǵattandyryldy.
Jol polıtsııasy komıteti men jol polıtsııasy óńirlik basqarmalary basshylarynyń, sondaı-aq «Nur Otan» HDP-nyń ókilderiniń jeke qabyldaýynda 368 azamattar qabyldanyp, 95%-dan astam (351) ótinishter qanaǵattandyryldy.
Turǵyndar jol polıtsııasynyń qyzmeti týraly oń baǵa bergenin, jol polıtsııasy qyzmetkerleriniń zańsyz is-áreketteri jóninde aryzdar túspegenin jalpy atap ótý qajet.
Іshki ister mınıstrligi «Nur Otan» HDP-men birlesken osyndaı is-sharalardy ótkizý odan ári de jalǵasyn tabady.
