Respýblıka aýmaǵynda JQTB-nyń aldyn alý aılyǵy bastaldy
ASTANA. 4 qarasha. QazAqparat - Respýblıka aýmaǵynda JQTB-nyń aldyn alý aılyǵy bastaldy, dep habarlady Astana qalalyq JQTB-nyń aldyn alý jáne oǵan qarsy kúres ortalyǵy.
Atalǵan ortalyqtyń málimetterine sáıkes, qazirgi el aýmaǵynda AQTQ juqtyrýdyń 17099 oqıǵasy tirkelse, onyń ishinde 1088 adam qaıtys bolǵan. Al Astana qalasynda AQTQ juqtyrǵan 454 adamnyń 35-si kóz jumdy. Eger buryn AQTQ aýrýy kóbine esirtkini ınemen tutynýshylar arasynda anyqtalsa, al qazir ol 40 jasqa deıingi halyqtyń áleýmettik qamtamsyz etilgen toptarynda da kezdesedi.
Osy kúrdeli máselege nazar aýdarǵan elordanyń Densaýlyq saqtaý basqarmasy, Astana qalasynyń JQTB-nyń aldyn alý jáne oǵan qarsy kúres ortalyǵy men Salaýatty ómir saltyn qalyptastyrý ortalyǵynyń mamandary 8 qarasha kúni baspasóz máslıhatyn ótkizedi. Shara barysynda olar JQTB aýrýlaryn tómendetý maqsatynda júrgizilgen jumystar jaıynda, sondaı-aq kommertsııalyq jynystyq qatynaspen aınalysatyn adamdar arasynda júrgizilgen reıdtik jumystar týraly áńgimeleıdi.
