Respýblıka aýmaǵynda tasqyn sý basqan turǵyn úıler joq - TJK
ASTANA. QazAqparat - Eldi mekenderdi tasqyn sý basýdyń aldyn alý maqsatynda jergilikti atqarýshy organdar TJK bólimshelerimen birlesip, aldyn alý sharalaryn ótkizýde.
QR ІІM TJK baspasóz qyzmetiniń habarlaýynsha, ázirge Jambyl oblysynda - 1100, Qaraǵandy oblysynda - 560, Ońtústik Qazaqstan oblysynda - 5700, jalpy uzyndyǵy 7360 metr ýaqytsha bógender turǵyzyldy; 33880 dana qum salynǵan qap jınaldy jáne tóseldi, sonyń ishinde Aqmola oblysynda - 5880, Jambyl - 920, Qaraǵandy - 8280, Pavlodar - 3300, Ońtústik Qazaqstan oblysynda - 15500; 233395 tekshe metr sý soryldy, sonyń ishinde Aqmola oblysynda - 56664, Shyǵys Qazaqstan - 85321, Qaraǵandy - 687,5, Pavlodar - 89724, Ońtústik Qazaqstan oblysynda - 998,5 tekshe metr.
Apattyq-qutqarý jáne kezek kúttirmeıtin jumystardy júrgizýge 165 adam, 41 tehnıka, 13 sý sorý qurylǵysy jumyldyryldy.
Respýblıka aýmaǵynda erigen qar sýyn sorý is-sharalary júrgizildi jáne tasqyn sý basqan turǵyn úıler joq.
Sonymen birge, Qazgıdromettiń habarlaýynsha, 13 sáýirge deıin Aqtóbe, Qostanaı, Aqmola, Soltústik Qazaqstan, Pavlodar, Qaraǵandy oblystarynda kúnniń jylynýyna baılanysty qardyń erýi kúsheıedi, ózenderdegi sý deńgeıi kóterilip, tasqyn bolýy yqtımal.
12 sáýirge deıin Shyǵys Qazaqstan oblysynda aýa temperatrasynyń joǵarylaýynan qar kúrt erip, ózenderdegi sý deńgeıi kóteriledi, seń keptelip, arnadan asqan sýdyń syrtqa jaıylýy kútilýde.
