Respýblıka aýmaǵynda «Qarý-2010» jedel aldyn alý is-sharasy ótti
Astana. Sáýirdiń 21-i. QazAqparat - Aǵymdaǵy jyldyń 12-16 sáýir aralyǵynda atys qarýyn qoldana otyryp jasalǵan qylmystardy eskertý, jolyn kesý jáne aldyn alý maqsatynda ishki ister organdary respýblıka aýmaǵynda «Qarý-2010» jedel aldyn alý is-sharasyn ótkizdi,
dep habarlaıdy QazAqparat.
QR ІІM baspasóz qyzmetiniń málimetine qaraǵanda, is-shara barysynda 139 myńnan astam atys qarýynyń ıeleri, ańshylyq jáne balyq aýlaý sharýashylyǵy aýmaǵynda 1982 ańshy tekserildi.
Nátıjesinde qarý aınalymy salasynda 5700 ákimshilik quqyq buzýshylyq jáne 229 ań aýlaý erejesin buzýshylyq anyqtaldy, onda 5021 adam ákimshilik jaýapkershilikke tartylyp, 679 materıal sotqa joldandy. Osy tártip buzýshylyq boıynsha jeke qarý ıelerinen 5196 birlik tirkelgen azamattyq qarý alyndy.
Jumysty júrgizý kezińinde 913 zańsyz saqtalynǵan qarý tárkilendi, sonyń ishinde gazdy qarý, qoldan jasalǵan atys qarýlary, granatalar jáne jarylǵysh zattar bar.
