Respýblıka aýmaǵynda apta ishinde 1997 qylmys jasaldy
ASTANA. Qazannyń 20-sy. QazAqparat - Respýblıka aýmaǵynda apta ishinde 1997 qylmys jasaldy, onyń ishinde «izi sýymaı» - 1558-i, sondaı-aq buryn jasalǵan 306 qylmys ashyldy.
Bul týraly búgin ІІM ótkizilgen baspasóz hatshysy Qýanyshbek Jumanov habarlady.
Apta ishinde 57 qylmys jasaǵan kúdikti ustalyp, 15 qarý tárkilendi. Sonymen qatar 118 esirtki qylmysy, onyń ishinde 16 esirtki satý faktisi anyqtaldy. Bir tonnadan (1,173 kg) astam esirtki, onyń ishinde 4 keliden astam geroın tárkilendi.
ІІM-niń Esirtki bıznesine qarsy kúres komıtetiniń qyzmetkerleri «Delta-Dolına» bólinisimen birlesip júrgizgen arnaıy operatsııa barysynda Jambyl oblysynyń Shý aýdanynda 32 jastaǵy jergilikti turǵyndy ustady. Odan 983 keli daıyndalǵan marıhýana tárkilendi.
Qaraǵandy oblysynyń Prıozersk qalasy arnaıy polıtsııa bóliminiń patrýldik qyzmetkerleri Reseı Federatsııasynyń 36 jastaǵy azamatyn ustady. Tekserý kezinde odan 250 gramm marıhýana tárkilendi. Sonymen qatar ustalǵan azamattyń jalǵa alǵan garajyn tintý kezinde polıtseıler jalpy salmaǵy 217 kelini quraıtyn 13 qap marıhýanany tárkiledi. Bul fakt boıynsha tergeý júrgizilýde.
