Respýblıka aýmaǵynyń basym bóliginde qar jaýyp, jel kúsheıedi

ASTANA. KAZINFORM — «Qazgıdromet» Qazaqstan aımaqtarynda bolatyn qaýipti meteorologııalyq qubylystarǵa boljaý konsýltatsııasyn jarııalady.

Atmosferalyq frontaldy bólimderdiń ótýimen respýblıka aýmaǵynyń basym bóliginde qar jaýady.

— Elimizdiń batysynda, soltústik-batysynda jańbyr men qar túrinde jaýyn shashyn, elimizdiń ońtústik-shyǵysynda qalyń qar kútiledi. Tek elimizdiń ońtústik-batysy men ońtústiginde antıtsıklon jotasy áserinen jaýyn-shashynsyz aýa raıy boljanady, — delingen habarlamada.

Respýblıka boıynsha jeldiń kúsheıýi kútilýde. Elimizdiń soltústiginde, shyǵysynda, ortalyǵynda boranmen, ońtústiginde, ońtústik-shyǵysynda, ortalyǵynda, kúndiz soltústik-batysynda-kóktaıǵaq, ortalyǵynda, ońtústiginde, ońtústik-shyǵysynda tuman kútiledi.

Buǵan deıin habarlaǵanymyzdaı, Jetisý óńirinde respýblıkalyq joldar jabyldy.