Respublica tóraǵasy saılaýǵa usynylǵan tizimniń qalaısha jyldam qysqarǵanyn túsindirdi
Partııa jetekshisi Ortalyq saılaý komıssııasynyń otyrysynan keıin BAQ ókilderine bergen suhbatynda bul jaıttyń eshqandaı saıası astary joq ekenin aıtty.
«Tizimdegi eki adam naýqanǵa qatysýdan ishki sebepterimen bas tartty. Osylaısha Respublica partııasynyń tiziminen saılaýǵa 23 adam bara jatyr. Birinshiden, bulardyń bas tartýy eshqandaı saıası másele emes. Olardyń ishki máselesi, otbasyna, kóshýine baılanysty. Ózderi osylaı qysqa merzimniń ishinde tizimge enemiz dep kútpedi. Sáıkesinshe otbasymen sóılesip, aqyldasa kelip Astanaǵa kóship kelýge daıyn emes bolyp shyqty. Men buǵan olardyń jubaılary áser etse kerek dep topshylaımyn», - dedi Aıdarbek Hodjanazarov.
Onyń aıtýynsha, otbasylyq jaǵdaı taǵy bir partııa múshesiniń saılaýdan bas tartýyna sebep bolǵan kórinedi.
«Men bul baıypty áreket emes ekenin túsinemin. Biraq olardyń jaǵdaıyn da túsinýimiz kerek. Otbasylyq jaǵdaılar bar. Bul eki kandıdattan basqa taǵy bir partııa múshesi saılaýǵa túsýdi josparlaǵan bolatyn. Úıinde qaıǵyly jaǵdaı bolyp, bas tartty. Biz eshteńe isteı almaıtyn otbasylyq jaǵdaılar bar. Ony da esepke alýymyz kerek», - dedi partııa jetekshisi.
Sondaı-aq, ol aldaǵy saılaýǵa birmandattyq okrýg boıynsha túspek bolǵan partııanyń teń tóraǵalarynyń biri Syrymbek Taýdyń kandıdattyqtan shettetilýine pikir bildirdi.
«Óte ókinishti. Sebebi Syrymbek Taý elimizde 19 jyldan beri turyp keledi. Biraq kýálik qujattary boıynsha ol 2013 jyldyń segizinshi aıynda ǵana resmı tirkelgen bolyp shyqty. Sondyqtan bizge jeti-aq aı jetpeı qaldy. Biraq ol memleketimizge 2004 jyly kóship kelgen. Bylaı qarasaq, 19 jyl. Biz ol kisiniń bastapqy tirkelgen merzimi 19 jyl bolǵandyqtan tolyq dep oıladyq. Sondyqtan da Ortalyq saılaý komıssııasynyń sheshimin árıne, zańdy bolǵandyqtan qabyldaımyz. Biraq ishimizden qoldaý qıyn bop tur», - dedi Aıdarbek Hodjanazarov.
Osylaısha aldaǵy Májilis saılaýyna partııa tiziminen 23 adam, birmandattyq okrýgten 2 adam túsetin bolǵan.
Taǵy bir adam – Baǵıla Baltabaeva. Ol birmandattyq aýmaqtan qatysýdan ózi bas tartty.
«Sebebi búkil qujattaryn daıyndap úlgermedi. Shymkentpen eki arada ushyp-qonyp júrip, ýaqytyn jetkize almady. Bizde partııa tiziminen 25 adam, birmandattyq aýmaqtan 4 adam usynylǵan. Partııa tizimindegi 25 adamnyń ishinen 2 kandıdat bas tartty. Qalǵan 4 adamnan bir kandıdat shekteldi (Syrymbek Taý), bir adam ózi bas tartty. Sonymen bas-aıaǵy 25 adam bolady», - dedi ol.
Eske salsaq, Respublica partııasynan Májilis depýtattyǵyna úmitkerler tizimine 29 adam engizilgen bolatyn.
Alaıda, keshe birmandatty júıe boıynsha usynylǵan úmitker, partııanyń teń tóraǵalarynyń biri Syrymbek Taýdyń tizimnen shettetilgeni belgili boldy.
Al búgin OSK partııa tizimi boıynsha usynylǵan eki adamdy kandıdattyqtan shyǵardy.
