Respublica partııasynyń tóraǵasy Aıdarbek Qojanazarov óz tańdaýyn jasady

ASTANA. QazAqparat – Respublica partııasynyń tóraǵasy Aıdarbek Qojanazarov elordanyń 393 saılaý ýchaskesinde daýys berdi, dep habarlaıdy QazAqparat tilshisi.

Qasynda partııanyń teń tóraǵasy Dınara Shúkijanova bar.

Eske salaıyq, QR Konstıtýtsııasyna sáıkes, Parlament Májilisi aralas saılaý júıesi boıynsha Konstıtýtsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń - 69 depýtaty, bir mandatty aýmaqtyq saılaý okrýgteri boıynsha 29 depýtat saılanady.

19 qańtarda Memleket basshysy Qasym-Jomart Toqaev jetinshi saılanǵan Parlament Májilisin taratý jáne 19 naýryz kúni Parlament Májilisi depýtattarynyń kezekten tys saılaýyn belgileý týraly Jarlyqqa qol qoıǵan edi. Bul kúni Májilispen qatar máslıhat depýtattaryn da kezekten tys saılaý usynyldy.