«Respublica» partııasy tóraǵasy Aıdarbek Qojanazarovtyń ókilettigi úsh jylǵa uzartyldy
ASTANA. KAZINFORM — Astanada ótken «Respublica» partııasynyń V kezekten tys sezinde delegattar partııa tóraǵasy Aıdarbek Qojanazarovtyń ókilettigin taǵy úsh jylǵa uzartý týraly sheshim qabyldady.
Sezd barysynda óńirlik fılıaldardyń ókilderi Aıdarbek Qojanazarovtyń partııanyń qalyptasýy men damýyna qosqan úlesin atap ótti. Olardyń aıtýynsha, onyń jetekshiligimen úsh jyl ishinde elimizdiń barlyq óńirinde partııanyń fılıaldyq jelisi qurylyp, kadrlyq rezerv jasaqtaldy. Sonymen qatar partııa Parlamentten oryn alyp, birqatar zańnamalyq jáne qoǵamdyq bastamalardy júzege asyrdy.
Ashyq daýys berý qorytyndysy boıynsha sezd delegattarynyń basym kópshiligi partııa tóraǵasynyń ókilettigin taǵy úsh jylǵa uzartýdy qoldady.
Daýys berý nátıjesi jarııalanǵannan keıin Aıdarbek Qojanazarov delegattarǵa ózine kórsetilgen senim úshin alǵys bildirdi.
Onyń aıtýynsha, aldaǵy ýaqytta da partııanyń bedelin nyǵaıtýǵa jáne el múddesi jolynda qyzmet etýge kúsh-jigerin salýdy jalǵastyrady.
— Barlyq partııalastaryma bildirgen senimi men qoldaýy úshin shynaıy alǵys aıtamyn. Aldaǵy ýaqytta da partııanyń bedelin nyǵaıtyp, elimizdiń ıgiligi jolynda aıanbaı eńbek etý úshin bar kúshimdi salamyn, — dedi partııa tóraǵasy.
Sezd sheshimi qabyldanǵan sátten bastap kúshine endi.
Aıta keteıik, 5 shildede «Aq jol» demokratııalyq partııasynyń saılaýaldy Sezi ótetinin habarlaǵan edik.
