Respublica partııasy Quryltaıǵa baratyn depýtattar tizimin jarııalady
ASTANA. KAZINFORM – «Respýblıka» partııasy 23 tamyzda ótken Quryltaı saılaýynyń qorytyndysy boıynsha depýtattyq mandatqa ıe bolatyn kandıdattardyń tizimin bekitti.
Respublica úshin bul partııa tarıhyndaǵy ekinshi parlamenttik saılaý boldy. 2023 jyly partııa alǵash ret Májiliske ótip, 6 mandatqa ıe bolǵan edi.
Fraktsııanyń bolashaq quramynda VIII shaqyrylymdaǵy Májilistiń bes depýtaty Quryltaıda parlamenttik jumysyn jalǵastyrady.
Al taǵy tórt kandıdat alǵash ret Quryltaı depýtaty atanady. Osylaısha, fraktsııanyń jańa quramy parlamenttegi tájirıbeniń sabaqtastyǵy men komandanyń jańarýyn qatar qamtıdy.
Bekitilgen kezektilikke mynalar endi:
1. Aıtqulov Bekjan Bahtybekuly – partııanyń Túrkistan oblystyq fılıalynyń tóraǵasy, Túrkistan oblysy máslıhatynyń VII–VIII shaqyrylymdarynyń depýtaty.
2. Idrısov Rýslan Rashıtovıch – kásipker, Global Food JShS quryltaıshysy, Almaty qalasy máslıhatynyń VIII shaqyrylymynyń depýtaty.
3. Qasymbaev Meırhat Meıramhanuly – kásipker, «Capital Road Construction» JShS baıqaý keńesiniń tóraǵasy.
4. Quspekov Oljas Haırollauly – Respublica partııasy tóraǵasynyń orynbasary, Qazaqstan Respýblıkasy Parlamenti Májilisiniń VIII shaqyrylymynyń depýtaty.
5. Naýmova Dınara Rýstamqyzy – Qazaqstan Respýblıkasy Parlamenti Májilisiniń VIII shaqyrylymynyń depýtaty, Qazaqstan Respýblıkasy Prezıdentiniń janyndaǵy Jastar saıasaty jónindegi keńestiń múshesi.
6. Smolıakova Ekaterına Sergeevna – Qazaqstan Respýblıkasy Parlamenti Májilisiniń VIII shaqyrylymynyń depýtaty.
7. Taý Nurgúl – Qazaqstan Respýblıkasy Parlamenti Májilisiniń VIII shaqyrylymynyń depýtaty.
8. Hasenov Mahambet Qabdulqaıyruly – Special Oil Projects kompanııasy men «Almerek» munaı bazasynyń quryltaıshysy ári bas dırektory, Almaty qalasynyń Qoǵamdyq keńesiniń tóraǵasy.
9. Qojanazarov Aıdarbek Asanuly – Respublica partııasynyń tóraǵasy, Qazaqstan Respýblıkasy Parlamenti Májilisiniń VIII shaqyrylymynyń depýtaty, Parlamenttegi partııa fraktsııasynyń jetekshisi.
Eske salaıyq, Qazaqstanda alǵashqy Quryltaı saılaýy 23 tamyzda ótti. Memleket basshysy Qasym-Jomart Toqaev saılaýdy eldegi aýqymdy saıası jańǵyrý úderisiniń mańyzdy kezeńi dep ataǵan edi.
Respublica partııasyna 509 631 saılaýshy nemese 5,56% daýys berildi. Tıisinshe Quryltaıda 9 depýtat mandatyna ıe boldy.
Saılaý qorytyndysy boıynsha Quryltaıǵa bes saıası partııa 145 depýtatyn usynady.
