Respondentterdiń shırek paıyzyna jýyǵy aldaǵy 12 aıda elimizdegi ekonomıkalyq jaǵdaıdyń jaqsaratynyn kútedi -Statıstıka agenttigi
ASTANA. Jeltoqsannyń 11-i. QazAqparat /Ernur Aqanbaı/ - QR Statıstıka agentiginiń málimetinshe, Qazaqstandaǵy respondentterdiń shırek paıyzyna jýyǵy 12 aıda eldegi jalpy ekonomıkalyq jaǵdaıdyń jaqsaratynyn kútedi,
dep habarlaıdy QazAqparat.
«Ekonomıkalyq ahýal ındeksi» 2009 jylǵy qarashada 1 paıyzdyq tarmaqqa ósip, 5 paıyzdy qurady. Respondentterdiń tórtten birinen kemi, ıaǵnı 24 paıyzy aldaǵy 12 aıda eldegi jalpy ekonomıkalyq jaǵdaıdyń jaqsaratynyn kútedi, al 19 paıyzy jaǵdaıdyń nasharlaýy múmkin dep esepteıdi», delingen Agentik habarlamasynda.
Agenttiktiń málimetinshe, «tutynýshylardyń seziný ındeksi» 2009 jylǵy qarashada qazan aıymen salystyrǵanda 6 paıyzdyq tarmaqqa ósip, 4 paıyzdy qurady. Aǵymdaǵy jylǵy qarashada respondentterdiń 23 paıyzy sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótse, sol mezgilde respondentterdiń 21 paıyzy jaǵdaıdyń nasharlaǵanyn habarlaǵan.
«Satyp alý tileginiń ındeksi» ótken aımen salystyrǵanda 9 paıyzdyq tarmaqqa ósip, 4 paıyzy qurady. Respondentterdiń tórtten birinen kóbi, ıaǵnı 26 paıyzy aǵymdaǵy jylǵy qarashada jeke úı sharýashylyǵyndaǵy qarjy jaǵdaıynyń jaqsarǵanyn jáne tıisinshe ótken aımen salystyrǵanda uzaq paıdalanatyn taýarlarǵa suranystyń óskeni týraly habarlady. Sonymen birge respondentterdiń 22 paıyzy óz úı sharýashylyǵyndaǵy qarjy-ekonomıkalyq jaǵdaıdyń nasharlaǵanyn belgiledi», delingen agenttiktiń málimetinde.
Respondentterdiń 7 paıyzynyń pikiri boıynsha, elimizdegi jumyssyzdyq deńgeıine qatysty ahýal aldymyzdaǵy 12 aıdyń ishinde jaqsarady dese, sol kezdegi suralǵandardyń 4 paıyzy oǵan qarama-qarsy pikirde bolǵan. Aldymyzdaǵy 12 aıdyń ishinde úı sharýashylyǵyndaǵy aqshalaı jınaqtar somasynyń ósý múmkindigin suralǵan tutynýshylardyń 12 paıyzy atap ótse, al 21 paıyzy onyń kemıtinin aıtqan.
