Respondentterdiń 31 paıyzy sońǵy on eki aıda el ekonomıkasy jaqsarǵandyǵyn atady
ASTANA. 12 sáýir. QazAqparat - «Tutynýshylardyń seziný ındeksi» 2013 jylǵy naýryzda ótken aımen salystyrǵanda 1 paıyzdyq tarmaqqa ósti jáne (+19)% qurady.
Bul týraly QR Statısıka agenttiginiń málimetterinde habarlandy.
2013 jylǵy naýryzda respondentterdiń 31%-y sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótti, sol ýaqytta olardyń 12%-y jaǵdaıdyń nasharlaǵanyn habarlady.
«Ekonomıkalyq ahýal ındeksi» ótken aımen salystyrǵanda 1 paıyzdyq tarmaqqa ósti jáne (+20)% qurady. Respondentterdiń úshten birinen azy 31% aldaǵy 12 aıda eldegi jalpy ekonomıkalyq jaǵdaıdyń odan ári jaqsaratynyn kútedi, al 11%-y jaǵdaıdyń nasharlaýy múmkin dep esepteıdi.
«Satyp alý tileginiń ındeksi» ótken aımen salystyrǵanda ózgermedi jáne (+18)% qurady. 2013 jylǵy naýryzda respondentterdiń úshten birinen azy 31% jeke úı sharýashylyǵyndaǵy qarjy jaǵdaıynyń jaqsarǵanyn, sonymen birge respondentterdiń 13%-y óz úı sharýashylyǵyndaǵy qarjy-ekonomıkalyq jaǵdaıdyń nasharlaǵanyn atap ótti.
Respondentterdiń 10%-nyń pikiri boıynsha, elimizdegi jumyssyzdyq deńgeıine qatysty ahýal aldymyzdaǵy 12 aıdyń ishinde jaqsarady dese, sol kezdegi suralǵandardyń 12%-y oǵan qarama-qarsy pikirdi ustanady. Aldymyzdaǵy 12 aıdyń ishinde úı sharýashylyǵyndaǵy aqshalaı qorlanym somasynyń ósý múmkindigin suralǵan tutynýshylardyń 20%-y atap ótse, 21%-y onyń kemıtinin aıtty.
