Respondentter sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótti
ASTANA. 13 qazan. QazAqparat - «Tutynýshylardyń seziný ındeksi» 2013 jylǵy qazanda ótken aımen salystyrǵanda tómendedi jáne (+15)% qurady. Bul týraly QR Statıstıka agenttiginiń málimetterinde habarlandy.
2013 jylǵy qazanda respondentterdiń 28%-y sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótti, sol ýaqytta respondentterdiń 13%-y jaǵdaıdyń nasharlaǵanyn habarlady.
«Ekonomıkalyq ahýal ındeksi» ótken aımen salystyrǵanda tómendedi jáne (+15)% qurady. Respondentterdiń úshten birinen azy (28%) aldaǵy 12 aıda eldegi jalpy ekonomıkalyq jaǵdaıdyń odan ári jaqsaratynyn kútedi, al 12%-y jaǵdaıdyń nasharlaýy múmkin dep esepteıdi.
«Satyp alý tileginiń ındeksi» ótken aımen salystyrǵanda 1 paıyzdyq tarmaqqa kóterildi jáne (+15)% qurady. 2013 jylǵy qazanda respondentterdiń úshten birinen azy (28%) jeke úı sharýashylyǵyndaǵy qarjy jaǵdaıynyń jaqsarǵanyn, sonymen birge, respondentterdiń 14%-y óz úı sharýashylyǵyndaǵy qarjy-ekonomıkalyq jaǵdaıdyń nasharlaǵanyn atap ótti.
Respondentterdiń 8%-nyń pikiri boıynsha elimizdegi jumyssyzdyq deńgeıine qatysty ahýal aldymyzdaǵy 12 aıdyń ishinde jaqsarady dese, sol kezdegi suralǵandardyń 9%-y oǵan qarama-qarsy pikirdi alǵa tartýda. Aldymyzdaǵy 12 aıdyń ishinde úı sharýashylyǵyndaǵy aqshalaı jınaq somasynyń ósýi múmkindigin suralǵan tutynýshylardyń 18%-y atap ótse, 20%-y onyń kemıtinin aıtty.
