Resmı Vashıngton Phenıanǵa qarsy sanktsııalaryn kúsheıte túspek
ASTANA. QazAqparat - Bul týraly búgin AQSh Memlekettik departamentinde ótken brıfıngte memlekettik hatshy Djon Kerrı málimdedi, dep habarlady www.24.kz.
Ol Soltústik Koreıanyń jańa ıadrolyq synaǵyna baılanysty Qytaıdyń syrtqy ister mınıstri Van Imen telefon arqyly tildeskenin jetkizdi. Onda taraptar Phenıannyń áreketine qatysty alda qalaı jyljý qajettigi jaıynda pikir almasqan.
D.Kerrıdiń aıtýynsha, onyń qytaılyq árptesi Soltústik Koreıadaǵy ıadrolyq synaqqa alańdaýshylyq bildire otyryp, aldaǵy ýaqytta oǵan qarsy qolǵa alynatyn sharalar boıynsha tyǵyz jumys jasaıtynyn qýattaǵan. Qytaı jaǵy jalpy Koreı túbegin jappaı qyryp-joıý qarýynan alastatýǵa bar kúshin salmaq. AQSh Syrtqy saıasat vedomstvosynyń basshysy sondaı-aq áriptesine KHDR-men buǵan deıin júrgizip kelgen qarym-qatynas budan bylaı basqasha bolatynyn jetkizgen.
