Resmı tirkelgen shymkenttikterdiń sany 932 myńnan asty
ShYMKENT. QazAqparat - Shymkent qalasynyń resmı tirkelgen turǵyndarynyń sany 932 myńnan asty. Bul týraly halyq qalaýlylary aldynda 2017 jyldyń alǵashqy jarty jyldyǵynda atqarylǵan jumystar boıynsha esep bergen shahar basshysy Ǵabıdolla Ábdirahymov málim etti, dep habarlaıdy «QazAqparat» HAA tilshisi.
Qala ákimi atap ótkendeı, aǵymdaǵy jyldyń 1 shildesindegi málimetke sáıkes, Shymkentte 932 myń 400 adam tirkelgen. Byltyrmen salystyrǵanda halyq sany 3,7%-ǵa artyp otyr.
Ǵabıdolla Ábdirahymov esep berý keńesinde sondaı-aq, oblys ortalyǵynda kóptegen sala boıynsha ósim baıqalatynyn atap ótti. Máselen, aýylsharýashylyq óndirisi - 9,6%, qurylys - 14%, ınvestıtsııa kólemi - 1,7%, paıdalanýǵa berilgen turǵyn úı kólemi - 11,3%, bólshek saýda kólemi 3,4%-ǵa artqan.
