Resmı nátıje: Frantsııa prezıdenttigine saılaýda Makron 66,06% daýys jınaǵan
ASTANA. QazAqparat - Frantsııada ótken prezıdent saılaýynda el aýmaǵyndaǵy jáne shet elderdegi saılaý ýchaskelerindegi bıýlletenderdiń 99,9 paıyzy sanalyp, kandıdat Emmanýel Makron 66,06% daýysqa ıe bolǵany málim boldy. Onyń qarsylasy - Marın Le Penge saılaýshylardyń 33,94%-y senim bildirgen, dep jazady Bı-bı-sı.
Bul jolǵy el prezıdenti saılaýynda daýys bermegen frantsýzdar (25,38%-y) men toltyrylmaǵan jáne búldirilgen bıýlletender sanynyń kóptigi sondaı, rekordtyq kórsetkishke jetti.
Frantsııanyń ishki ister mınıstri resmı túrde Makrondy bul saılaýda jeńiske jetti dep málimdedi.
39 jastaǵy Makron el tarıhyndaǵy eń jas prezıdent bolyp otyr.
Makronnyń shtaby saılaý nátıjesi jarııalanbaı jatyp-aq óz jeńisine senimmen, toılaýdy bastap ketken. Ol osyǵan deıin Angela Merkel, Tereza Meı, Donald Tramp jáne kanadalyq premer Djastın Trıýdodan quttyqtaý alyp úlgergen.
