Resmı: Kúres túrlerinen Qazaqstan chempıonaty Almatyda ótedi
NUR-SULTAN.QazAqparat – Kúres túrlerinen 2020 jylǵy Qazaqstan chempıonaty Almaty qalasynda ótedi, dep habarlaıdy QazAqparat tilshisi Olympic.kz saıtyna silteme jasap.
«Grek-rım, erkin jáne áıelder kúresi federatsııasy grek-rım, erkin jáne áıelder arasyndaǵy Qazaqstan Respýblıkasynyń chempıonaty 2020 jylǵy 19-26 qarasha kúnderi Almaty qalasy «Dostyq» sport kesheninde ótedi. Chempıonatqa kórermender qatystyrylmaıdy. Chempıonat UWW bekitken erejege sáıkes ótkiziledi», - delingen baspasóz habarlamasynda.
Kúres jarysy eldegi koronavırýs ınfektsııasynyń taralýynyń aldyn alý jónindegi vedmostvalyq komıssııa otyrysynyń hattamasyndaǵy barlyq sanıtarlyq talaptarǵa sáıkes uıymdastyrylmaq. Barlyq qatysýshylar 1-3 kún buryn tapsyrylǵan PTR-synaǵynyń teris nátıjesi týraly anyqtamasymen keledi. Anyqtama ár sportshyǵa mindetti. PTR-synaǵynyń anyqtamasy joq komanda múshelerine chempıonatqa qatysýǵa ruqsat etilmeıdi.
