Resmı kommıýnıke: Ortalyq Azııa elderi elektr qýatyn birlesip generatsııalaýǵa yntaly
ASTANA. KAZINFORM – Astanada ótken Ortalyq Azııa elderi jáne Ázerbaıjan energetıka mınıstrleriniń kezdesýi qorytyndylanyp, resmı kommıýnıke qabyldandy.
Kezdesýdiń resmı qorytyndysynda taraptar Ortalyq Azııa elderiniń energetıka salasyndaǵy áriptestigi úlken áleýetke ıe ekenin, óńirdegi energetıkalyq resýrstar saýdasyn jan-jaqty damytyp, jasyl ekonomıka sııaqty jańa baǵyttardaǵy yqpaldastyqty tereńdetýge daıyn ekenin atap ótti.
«Taraptar óńirde elektr qýatyn jetkizýdiń áleýeti joǵary ekenin eskere otyryp, qýatty generatsııalaıtyn kózder qurýǵa baǵyttalǵan jańa jobalardy ázirleýdiń múmkindigin qarastyrady», - dep jazylǵan qujatta.
Sondaı-aq, mınıstrler osy kommıýnıkede atalǵan sharalardy utymdy iske asyrý úshin vedomstvo basshylary kezdesýiniń jumys organyn qurý baǵytynda dıalog ornatýǵa ýaǵdalasty.
