Resmı: qazaqstandyq fýtbolshy Dastan Sátpaev «Chelsı» klýbyna aýysty

ALMATY. KAZINFORM — Almatylyq «Qaırat» pen londondyq «Chelsı» klýby 16 jastaǵy shabýylshynyń transferi boıynsha kelisimge keldi.

Almatylyq klýbtyń baspasóz qyzmeti habarlaǵandaı, 2026 jyldyń jazynda kámelettik jasqa tolǵan soń resmı túrde aǵylshyn komandasyna qosylady. 
Ol ýaqytqa deıin Dastan Sátpaev «Qaırat» sapynda óner kórsetedi. 

Dastan Almatyda dúnıege kelgen. 8 jasynda «Qaırat» Akademııasyna túsip, daıyndyqtyń barlyq satysynan ótti.

Aıta keteıik, 2024 jyldyń mamyr aıynda Sátbaev «Qaırat» komandasynda debıýt jasaǵan eń jas oıynshy retinde tarıhqa endi. Ótken QJ lıgasynda jas fýtbolshy 28 oıynda 26 gol soǵyp, 10 nátıjeli pas berdi. Sondaı-aq Sátbaev maýsymnyń úzdik oıynshysy ataǵyn aldy. Al ÝEFA jasóspirimder lıgasynda (U19) 16 jasar fýtbolshy tórt matchta bir gol soǵyp, bir nátıjeli pas berdi.

Buǵan deıin tanymal sport jýrnalısi Fabrıtsıo Romano 16 jastaǵy qazaqstandyq fýtbolshy Dastan Sátbaevtyń «Chelsıǵa» aýysqanyn habarlaǵan bolatyn. 

Eske salaıyq, buǵan deıin «Manchester Sıtı» klýbyna ózbekstandyq ortalyq qorǵaýshysy Abdýqodır Hýsanov aýysqanyn jazǵanbyz.