«RESMI» IQÚ klıentterge beıimdele túsý úshin bólshek saýdadan bas tarpaq
ALMATY. 12 qazan. QazAqparat /Názıra Eleýhan/ - «RESMI» Investıtsııalyq qarjy úıi (IQÚ) Basqarmasynyń jańa quramy ınvestıtsııalyq jarna qorlarynan bas tartyp, servısti kúsheıtý arqyly brokerlik-dılerlik qyzmetke den qoıǵandy durys dep sanaýda.
Bul týraly búgin Almatyda ótken arnaıy baspasóz máslıhatynda «RESMI» Investıtsııalyq qarjy úıiniń ókilderi málim etti.
Aktıvterdi basqarý isindegi kóp jylǵy tájirıbesi men kásiptik jetistikterine qaramastan «RESMI» IQÚ mamandary ortasha merzimdi perspektıvada ınvestıtsııalyq jarna qorlarymen jumys júrgizýdiń durys ekendigine kúmán keltirip otyr. «Investıtsııalyq jarna qorlaryna aqshanyń az aýdarylýy, rynok syıymdylyǵynyń qysqarýy jáne ekonomıkany qalypqa keltirý merziminiń sozylyp ketýi ujymdyq ınvestıtsııalaý ınstıtýtynyń damýyna keri yqpal etti»,-deıdi «RESMI» Investıtsııalyq qarjy úıiniń ókilderi.
«RESMI» IQÚ AQ Basqarmasynyń tóraǵasy Aleksandr Manaenkonyń aıtýynsha, bul búkil komanda júrgizgen jumys nátıjesinde qabyldanǵan sheshim. «Biz jaýapkershilik deńgeıiniń joǵary ekendigin túsinemiz, sonda da táýekeldikke bel býyp otyrmyz»,-dedi ol.
Onyń pikirinshe, bólshek saýdadan bas tartý «RESMI» IQÚ AQ -nyń jańalanǵan quramdaǵy komandasyna ekonomıkalyq turǵydan anaǵurlym tıimdi jańa jobalardy jáne baǵyttardy damytýǵa jol ashady.
«RESMI» IQÚ AQ-nyń Dırektorlar keńesi janyndaǵy Strategııalyq damý komıtetiniń múshesi Aıdar Ospanovtyń aıtýynsha, 14 jylda jınaqtalǵan basqarýshylyq tájirıbe kompanııaǵa jańa bıznes modelge jaıly túrde ótýge múmkindik bermek. ««RESMI» IQÚ uıymdyq jáne strategııalyq ózgeristeriniń qoldanbaly qundylyǵy tıimsiz jobalardy ýaqytynda toqtatyp, klıentter men aktsıonerlerdiń múddelerin kózdeıtin perspektıvti baǵyttarǵa zeıin qoıýda bolyp otyr. Sol sebepti de bólshek saýdany maqsat etken basqarýdan bas tartý men kompanııanyń bıznes-modelin tutas alǵanda qaıta qaraý osyǵan baılanysty bolyp otyr», - dedi ol.
Aldaǵy ýaqytta «RESMI» Investıtsııalyq qarjy úıi qoldanystaǵy zańdardyń normalary men talaptaryn saqtap jáne jarnashylardyń múddelerin eskere otyryp, jyldyń sońyna deıin jarnalardy satyp alý protsesin aıaqtaýdy josparlaýda. Klıentter úshin ınvestıtsııalyq jarna qorlaryna balama retinde sarapshylar halyqtyq IPO jobasyn qarastyrýda. Baǵaly qaǵazdar rynogyn damytý perspektıvasymen qatar kompanııa elektrondy servıs arqyly brokerlik- dılerlik qyzmetti de damytýdyń perspektıvalary bar dep sanaıdy. Bunymen qatar, kompanııa klıentterge qyzmet kórsetý sapasyn arttyrýda «ámbebap relsterden» jáne standart sheshimderden bas tartpaq, bul sharýany kompanııa aǵymdaǵy jyldyń tórtinshi toqsanyna josparlaýda.
«RESMI» IQÚ-di mańyzdy sapaly ózgerister kútip tur. "Qazir biz ónim lıneıkasyn jańalaý jáne ony "klıentke" beıimdeý , ártaraptandyrylǵan tarıftik setkany jáne CRM (customer relationship management -klıenttermen aradaǵy qarym-qatynastardy basqarý) baǵdarlamasyn engizýdemiz. Bul ózgerister servıske, marketıng jáne IT-ǵa quıylatyn eleýli ınvestıtsııalarmen qatar kompanııaǵa 2012 jyldy jaqsy daıyndyqpen qarsy alýǵa jáne básekelestik ortadaǵy ornyn kúsheıtýge múmkindik beredi", -dep atap ótti «RESMI» IQÚ AQ Basqarmasynyń tóraǵasy Aleksandr Manaenko baspasóz máslıhatynda.
