Reseımen shekaralas oblystarda "Qorǵas" sııaqty saýda habtary qurylady
NUR-SULTAN. QazAqparat – Saýda jáne ıntegratsııa mınıstri Baqyt Sultanov shekaralas eldermen saýdany damytý jospary jaıly aıtyp berdi, dep habarlaıdy QazAqparat tilshisi.
«Elimizdiń syrtqy shekarasyndaǵy ınfraqurylymdy barynsha damytýdy kózdep otyrmyz. Sondaı-aq, Memleket basshysynyń tapsyrmasyna sáıkes, eksporttyq jáne tranzıttik áleýetti kúsheıtýge basa nazar aýdara otyryp, «Qorǵas» shekara mańy yntymaqtastyǵy ortalyǵy qyzmetin qaıta kúsheıtý jumysy júrgiziledi. Sondaı-aq BQO jáne SQO aýmaǵynda, ıaǵnı Reseı Federatsııasymen shekarada osyndaı saýda habtaryn qurý boıynsha jańa qosymsha bastamalarymyzdy iske asyrý máseleleri pysyqtalady» - dedi Baqyt Sultanov Saýda jáne ıntegratsııa mınıstrliginiń alqa otyrysynda.
Ol úshin mınıstrdiń aıtýynsha, qazaqstandyq taýar óndirýshiler jelisiniń ıntegratsııasyn aldymen jolǵa qoıyp alý kerek.
«Ekinshi baǵyt - shıkizattyq emes eksport kólemin eki esege arttyrý. Biz aldaǵy bes jyl ishinde qosymsha eksporttaýshylar pýlyn qurýdy josparlap, qazirgi belsendi 600-ge deıingi jańa eksporttaýshylar jelisin qalyptastyrýdy kózdeımiz. Shıkizattyq emes eksportty eki esege kóbeıtý úshin tek jańa ónim emes, sonymen qatar jańa kásiporyndar da paıda bolýy kerek», - dep qorytyndylady mınıstr.
