Reseımen shekaradaǵy ótkizý pýnkti jańartylyp jatyr
ASTANA. KAZINFORM — Batys Qazaqstan oblysyndaǵy «Syrym» shekaralyq ótkizý pýnktinde qaıta jańǵyrtý jumystary eki aýysymmen júrgizilip jatyr. Bul týraly «QazAvtoJol» UK» AQ habarlady.
Joba ótkizý pýnktiniń ınfraqurylymyn jańartýǵa, onyń ótkizý qabiletin arttyrýǵa, sondaı-aq azamattar men júrgizýshiler úshin qolaıly jaǵdaı jasaýǵa baǵyttalǵan.
— Jumystar bekitilgen kestege sáıkes jalǵasyp jatyr. Jobany iske asyrý ótkizý pýnktiniń ınfraqurylymyn jaqsartyp, memlekettik shekaradan ótý tıimdiligin arttyrýǵa múmkindik beredi, — dep habarlady «QazAvtoJol».
Eske salaıyq, buǵan deıin Úkimet otyrysynda Kólik mınıstri Nurlan Saýranbaev Qazaqstanda júk kólikteriniń ótkizý pýnktterinen ótý ýaqyty 30 mınýttan aspaýǵa tıis ekenin aıtqan edi.
