Reseımen shekarada órttiń aldyn alý úshin 8 myń tekshe metr orman otaldy
«Bıyl órt qaýpi maýsymynda daıyndyq aıasynda keshendi daıyndyq is-sharalary júrgizildi. Tótenshe jaǵdaılar mınıstrligimen birge 2023 jylǵy órt qaýpi maýsymynda Qazaqstan aýmaǵynda orman jáne dala órtteriniń týyndaý qaýpin tómendetý jáne joıý is-sharalar jospary qabyldanyp, memlekettik orman qory aýmaǵyndaǵy tabıǵı órtterdi sóndirý úshin memlekettik órtke qarsy qyzmetterdi jumyldyrý tártibi týraly kelisimge qol qoıyldy. TJM Dadǵarysty jaǵdaılardy basqarý ortalyǵymen ózara is-qımyl jáne aqparat almasý uıymdastyryldy», - dep atap ótedi mınıstrlikten agenttiktiń resmı saýalyna oraı.
Mınıstrlik málimetinshe, tabıǵatty qorǵaý mekemeleriniń barlyq qurylymdyq bólimsheleriniń qatysýymen órt qaýpi maýsymyna daıyndyq jáne orman órtterin sóndirý máseleleri boıynsha oqý-jattyǵý ótkizilip, órt sóndirý qyzmetteriniń nusqaýlyǵy berildi.
«Qazirgi ýaqytta Altaı ólkesi, Pavlodar men Abaı oblystarynyń túıisken jerinde shekaralyq orman ıeleriniń bárimen jedel aqparat berý úshin tikeleı baılanys ornatyldy. RF-men shekaralas Pavlodar oblysynyń aýmaǵyna orman órtteriniń ótý múmkindigin tómendetý maqsatynda «Ertis ormany» MOTR» RMK aýmaqtyq kúshteriniń kómegimen memlekettik shekara boıynyń 103,29 gektar alańy tazartylyp, 8 478 tekshe metr orman otaldy. Abaı oblysynda rezervatpen shekaralas baǵytta da jumystar júrgizildi. Qurǵaq ári ystyq aýa raıyna jáne órt qaýpiniń joǵary bolýyna baılanysty aǵashtardy kesý órt qaýpi tómendegennen keıin bastalady. RF-men shekaralas jerlerde aǵashtardy kesý bıyl bastalady», - dep atap ótedi Ekologııa mınıstrliginen.
