Reseımen shekarada qarǵa eston azamatynyń tólqujatyn urlap ketti
ASTANA. QazAqparat - Lenıngrad oblysyndaǵy Ivangorod avtomobıl ótkizý beketinde qarǵa Estonııa azamatynyń tólqujpatyn urlap ketti. Bul týraly Reseı Soltústik-Batys FKQ saıtynda habarlandy.
Kólik quraldaryn kedendik rásimdeý amaldary júrip jatqan kezde Estonııa azamaty tólqujatyn kórsetpek bolyp qolyna ala bergen kezde ǵaıyptan sap ete qalǵan qarǵa kýálikti tistep alǵan da ushyp kete barǵan. Bul oqıǵany kedendik bekettiń laýazymdy tulǵalary da kórgen. Olar azamatqa kómektespekke nıettenip, kınologtardy ıisshil ıtterimen qosa jumyldyrǵan biraq qusty ustaý áreketi sátsiz aıaqtaldy.
Polıtsııa jasaǵy shaqyrylyp, tólqujattyń joǵalǵandyǵy týraly ótinish toltyryldy. Ivangorod polıtsııasy azamatty Sankt-Peterbordaǵy estondyq konsýldyqqa jiberdi. Jańa qujattardy alǵan soń ol úıine oraldy.
Bir qyzyǵy, eki kún ótkennen soń tólqujat tabyldy. Qarǵa ony jaıaý ótkizý beketine jaqyn mańǵa tastap ketken kórinedi. Biraq ta qus onyń bir betin julyp alǵandyqtan qujat jaramsyz bolyp shyqty.
