Reseımen kelissózdi aıaqtaǵan AQSh Ýkraınamen talqylaý ótkizip jatyr

ASTANA. KAZINFORM – Máskeý men Kıev Vashıngtonnyń arashalaýymen 30 kúndik bitimge kelý týraly kelisimge kelýge áreket etip jatyr. Amerıkalyq delegatsııa Er-Rııadta ýkraınalyq delegatsııamen kelissózder júrgizýde, dep habarlaıdy Kazinform Euronews-ke silteme jasap.

Ресеймен келіссөзді аяқтаған АҚШ Украинамен талқылау жүргізіп жатыр
Фото: ТАСС

Dúısenbi kúni Er-Rııadta Reseı men AQSh delegatsııalary Ýkraınadaǵy jartylaı atysty toqtatý týraly kelissózder júrgizdi. Ol 12 saǵattan astam ýaqytqa sozyldy. 

Aq úıdegi derekkózge silteme jasaı otyryp, Reuters aqparattyq agenttigi «jaqynda» kútiletin «progress» jáne «oń málimdeme» týraly jazdy. Onyń jobasy Máskeý men Vashıngtonǵa maquldaý úshin jiberilgeni de habarlandy. 

Reseılik tehnıkalyq toptyń ókili Grıgorıı Karasınniń aıtýynsha, taraptar «bárin birjolata sheshken joq», dıalog «qıyn, biraq paıdaly» ótken. 

Seısenbide amerıkalyq tarap Saýd Arabııasynyń astanasynda ýkraınalyq delegatsııamen kelissózderdi jalǵastyrǵany belgili boldy. 

Buǵan deıin Er-Rııadtaǵy AQSh - Reseı kelissózi aıaqtalǵanyn habarlaǵan edik. 

Сейчас читают