Reseımen arada iri qara etin turaqty túrde eksporttaý jóninde ýaǵdalastyqqa qol jetkizildi - A. Kúrishbaev
STANA. Sáýirdiń 20-sy. QazAqparat /Rýslan Ǵabbasov/ - Reseıliktermen et eksportyna baılanysty naqty ister jospary bekitildi.
Bul týraly búgin Úkimet otyrysynda Aýyl sharýashylyǵy mınıstri Aqylbek Kúrishbaev málim etti, dep habarlaıdy QazAqparat.
«Mal ónimderin, eń aldymen Kedendik odaq elderine shyǵarylatyn ettiń eksportyn damytý boıynsha úlken jumystar júrgizý kerek. Búgingi tańda Reseımen arada iri qara etin turaqty túrde eksporttaý jóninde ýaǵdalastyqqa qol jetkizdik»,-dedi mınıstr.
Onyń sózine qaraǵanda, keshe Máskeýde eki el aýyl sharýashylyǵy mınıstrlikteriniń birlesken alqa májilisi ótkizilgen. Onda reseılik áriptestermen bul másele tolyǵymen talqylanǵan.
«Atap aıtqanda, et eksportyna qoıylatyn veterınarlyq jáne sanıtarlyq talaptardy oryndaý sharalaryn jeńildetýge arnalǵan naqty ister josparyn bekittik»,-dedi mınıstr.
