Reseılikterge berilgen JSN-niń bir bóligi rásimdi buza otyryp rásimdelgen

ASTANA. KAZINFORM — Reseılikterge berilgen JSN-niń bir bóligi rásimdi buza otyryp rásimdelgen. Bul týraly Іshki ister mınıstrligi Kóshi-qon qyzmeti komıtetiniń tóraǵasy Aslan Atalyqov aıtty.

— Zańnamaǵa sáıkes bizde JSN ókiletti organnyń ótinishimen kúshin joıady. Eger JSN rásimdeý barysynda rásimdeý máselesinde qatelikter bolsa, onda JSN kúshin joıady. Nemese, aıtalyq, Reseı Federatsııasynyń azamaty Qazaqstannan shyǵyp ketip, endi qaıtyp kelmeýi múmkin. «JSN-di shartty túrde shyǵarý» degen túsinik bar. Jalpy, JSN ne úshin qajet? Ol qaı elden kelgenińe qaramastan bank kartasyn rásimdeý úshin kerek. Demek, olarǵa qyzmetter qoljetimdi bolýy úshin. Eger adam Qazaqstanda turmasa, onda oǵan JSN qajet emes jáne ol JSN kúshin joıady, — dedi ol Ortalyq kommnıkatsııalar qyzmetindegi brıfıngte BAQ ókilderiniń saýalyna oraı.

Sonymen qatar komıtet tóraǵasy «reseılikter alǵan JSN-derdiń jappaı kúshin joıý júrgizilip jatyr» degen aqparatqa qatysty da pikirin bildirdi.

— JSN-niń bir bóligi rásimdeý erejelerin buzý arqyly rásimdelgen kezeń boldy. Olarǵa qatysty tekserý is-sharasy júrgizilip jatyr. Qylmystyq is júrgizý kodeksiniń 201-babyna sáıkes ol jaıynda egjeı-tegjeıli aqparat bere almaıtyndyǵymyz túsinikti, — dedi Aslan Atalyqov.

Buǵan deıin Qazaqstan byltyr 435 408 adamǵa uıaly baılanys operatoryna tirkelip, bank kartasy men shotyn ashýǵa múmkindik beretin jeke sáıkestendirý nómirin bergenin jazǵan edik.