Reseılikterdiń ósip-órkendeý jolyna túsken Qazaqstanǵa degen qurmeti erekshe – Pýtın
ASTANA. KAZINFORM — Vladımır Pýtın eki eldiń barlyq saladaǵy ózara tıimdi baılanystaryn bekemdeı túsýge múddeli ekenin aıtty.
— Bizdiń qýatty ári ósip-órkendeý jolyna túsken Qazaqstanǵa degen qurmetimiz erekshe. Elderińizdiń ekonomıkasy qarqyndy damyp jatyr. Halyq jappaı qoldaǵan tıimdi saıası júıe qalyptasty. Kúni keshe Qazaqstanda zaman talabyna saı keletin, eldiń keleshegin aıqyndaıtyn jańa Konstıtýtsııa qabyldandy. Respýblıka azamattarynyń basym kópshiligi osy qujatty qoldap daýys berdi. Sol arqyly Prezıdent Qasym-Jomart Toqaevtyń memlekettik ınstıtýttardy nyǵaıtý, eldi jan-jaqty jańǵyrtý jáne áleýmettik-ekonomıkalyq, rýhanı turǵydan damytý jolyndaǵy bastamalaryn qoldaıtynyn kórsetti. Osy aýqymdy reformanyń bári tabysty júzege asyrylyp, memleketti kúsheıtýge jáne halyqtyń ál-aýqatyn arttyrýǵa yqpal etedi dep senemin, — dedi Pýtın.
Vladımır Pýtın eki eldiń barlyq saladaǵy ózara tıimdi baılanystaryn bekemdeı túsýge múddeli ekenin aıtty.
— Biz Qasym-Jomart Kemelulymen shynaıy ári dostyq qarym-qatynas ornattyq. Kezdesýlerimiz ben suhbattarymyz árdaıym búkpesiz, nátıjeli ótedi. Biz eki eldiń barlyq saladaǵy ózara tıimdi baılanystaryn bekemdeı túsýge múddelimiz, — dedi ol.
Aıta ketelik Vladımır Pýtın Qazaqstanǵa memlekettik saparmen keletini týraly jazǵan edik.
