Reseılik zeınetkerler 2025 jyly barlyq jınaqtaryn ala alady
ASTANA. KAZINFORM - Alaıda soma 412 myń rýblden (2 mln 195 myń teńge) aspaýy tıis.
Memlekettik Dýma depýtaty Sergeı Gavrılov 2025 jyly reseılikter 412 myń rýblden aspasa, zeınetaqy jınaqtarynyń barlyǵyn birden ala alatynyn málimdedi.
Muny isteý úshin birqatar protsedýralardan ótý kerek. Atap aıtqanda, Zeınetaqy qoryna nemese Memlekettik qyzmetter portaly arqyly ótinish berý shart. Zeınetaqy jınaqtarynyń somasy ruqsat etilgen shekti mánnen asyp ketse, onda aı saıynǵy tólem taǵaıyndalady, onyń mólsheri jınaqtardyń jalpy somasyna jáne belgilengen tólem merzimine baılanysty bolady.
2025 jylǵa kútiletin tólem merzimi 270 aı (22,5 jyl). Mysaly, zeınetaqy jınaqtary 500 myń rýbldi (2 665 000 teńge) qurasa, aı saıynǵy tólem shamamen 1 852 rýbldi (9 871 teńge) quraıdy.
Bul rette zeınetaqy jınaqtarynyń qaıda ornalasqanyn – Zeınetaqy qorynda nemese memlekettik emes zeınetaqy qorynda (MZQ) aldyn ala tekserý qajet.
Buǵan deıin Qazaqstanda 2024 jyly respýblıkalyq bıýdjetten 3 trıllıon 752,1 mıllıard teńge zeınetaqy tólengenin, onyń 1 trıllıon 182,3 mıllıard teńgesi bazalyq zeınetaqyny tóleýge, 2 trıllıon 569,8 mıllıard teńgesi zeınetaqy tóleýge bólingenin jazǵanbyz.