Reseılik orbıtalyq stantsııa «Mır» basqarylǵan zaldan basqarylatyn bolady

ASTANA. KAZINFORM—Reseılik orbıtalyq stantsııanyń (ROS) ushýyn basqarý «Mır» stantsııasy men eski orbıtalyq keshenderdiń ushýyn basqarǵan zaldan júzege asyrylady, dep jazady TASS.

Bul týraly TASS-qa bergen suhbatynda Reseı Federatsııasynyń basqarylatyn ǵarysh júıeleri men keshenderi jónindegi bas konstrýktory, «Energııa» RKK bas konstrýktory, RǴA akademıgi Vladımır Solovev habarlady.

«Aldyńǵy orbıtalyq keshenderdiń ushýy basqarylǵan zal basqa ǵımaratta, ushyrý jetekshisiniń kabınetiniń janynda ornalasqan. „Mır“ stantsııasyn sý basqannan keıin ol paıdalanylmady, biraq kóp uzamaı onda ROS basqarý zaly qurylady», — dedi Solovev.

Onyń aıtýynsha, Máskeý mańyndaǵy ushýdy basqarý ortalyǵynda eki úlken zal bar — «Mırovskıı» jáne HǴS ushýyn basqaratyn zal.

Solovev HǴS jumysyn toqtatqan kezde onyń basqarý zalyn da qoldanýǵa bolatynyn aıtty.