Reseılik músinshi Zýrab Tseretelı qaıtys boldy

ASTANA. KAZINFORM — Monýmentalıst sýretshi, Reseı kórkemdik akademııasynyń prezıdenti Zýrab Tseretelı 91 jasynda qaıtys boldy, dep habarlaıdy TASS.

Onyń kómekshisi Sergeı Shagýlashvılı TASS agenttigine onyń ólimine júreginiń toqtap qalýy sebep bolǵanyn habarlady. 

— Zýrab Konstantınovıch túngi bir jarymda qaıtys boldy. Biz qazir onymen qoshtasý qashan bolatynyn sheship jatyrmyz, — dedi ol.

Zýrab Tseretelı — sýretshi, monýmentalıst jáne músinshi, pedagog jáne qoǵam qaıratkeri, KSRO, Grýzııa jáne Reseı Federatsııasynyń halyq sýretshisi, Reseı kórkemdik akademııasynyń prezıdenti. Tbılısıde týǵan. Eń iri kórkemdik jobalardy basqardy. 1970-1980 jyldary KSRO Syrtqy ister mınıstrliginiń bas sýretshisi, 1980 jyly — Máskeýdegi Olımpıada oıyndarynyń bas sýretshisi, 1995 jyly Máskeýdegi Poklonnaıa tóbesindegi memorıaldyq keshen qurylysynyń kórkemdik jetekshisi, 1995 jyly Hrıstos Qutqarýshy shirkeýindegi buıymdardy qurý jónindegi bas sýretshi boldy. Sýretshiniń týyndylary Máskeý, Reseıdiń basqa qalalarynyń, TMD elderiniń jáne kóptegen shet eldiń kósheleri men alańdaryn, memlekettik jáne qoǵamdyq ǵımarattardy bezendirip otyr.

Buǵan deıin Memleket basshysy jazýshy, Qazaqstannyń Eńbek Eri Ákim Tarazıdiń dúnıeden ótýine baılanysty kóńil aıtý jedelhatyn joldady.