Reseılik mınıstrler JI engizý nátıjelerin jyl saıyn jarııalap otyrady
ASTANA. KAZINFORM – Reseı prezıdenti Vladımır Pýtın mınıstrlikter men vedomstvolar basshylary óz salalarynda jasandy ıntellektti engizý nátıjelerin jyl saıyn ashyq túrde jarııalap otyrýy tıis ekenin málimdedi, dep habarlaıdy TASS.
– Mınıstrlikter men vedomstvolar basshylary ózderine qarasty salalarda jasandy ıntellektti engizý nátıjelerin jyl saıyn kórsetýi kerek, – dedi ol jasandy ıntellekt tehnologııalaryn damytý jónindegi keńeste.
Memleket basshysy bul jerde qaǵaz júzindegi esepter emes, naqty qoldanylyp jatqan sheshimder kórsetiletin ashyq ári jarııa baıandamalar týraly aıtyp otyrǵanyn atap ótti.
– Bizge formaldy esepter emes, naqty jumys istep turǵan tehnologııalar qajet. Bıyl osy baǵyttaǵy nátıjelerdi arnaıy kórmede tyńdaımyz, – dedi Vladımır Pýtın.
Onyń aıtýynsha, mundaı kórme Sber uıymdastyratyn «Jasandy ıntellekt álemine saıahat» atty konferentsııa aıasynda ótedi.
Pýtın jasandy ıntellektti damytý máselesi únemi talqylanyp kele jatqanyn atap ótip, 2025 jyldyń sońynda ótken salalyq konferentsııa men Strategııalyq damý jáne ulttyq jobalar jónindegi keńeste de bul taqyryp keńinen qaralǵanyn eske saldy.
Aıta keteıik, Qazaqstan-Reseı arasyndaǵy saýda qatynasy tsıfrlyq formatqa aýysady.
