Reseılik mıllıarderlerdiń sany rekordtyq kórsetkishke jetti
ASTANA. KAZINFORM – 2026 jyly Forbes jýrnalynyń jahandyq reıtınginde reseılik dollar mıllıarderleriniń sany 155 adamǵa jetip, jańa rekord ornatty.
Aldyńǵy rekord 2025 jyly tirkelgen, sol kezde tizimge 146 reseılik engen.
- Ósim bir jylda toǵyz adam boldy. Bul eń aldymen Reseı ekonomıkasynyń Ortalyq banktiń joǵary negizgi mólsherlemesi men sanktsııalar qysymyna baılanysty baıaýlaýynan boldy. Ekinshi jaǵynan, dollardyń álsireýi reseılik mıllıarderlerge paıdasyn ákeldi — rýbl jyl ishinde 16%-ǵa nyǵaıdy, - dep jazdy Forbes.
Eń dáýletti reseılikterdiń jalpy baılyǵy da bir jylda 696,5 mlrd dollardy quraıtyn jańa rekordtyq deńgeıge jetti. Tizim basynda «Severstal» kompanııasynyń negizin qalaýshy Alekseı Mordashovtyń esimi tur – kásipker men onyń otbasynyń baılyǵy jyl ishinde rekordtyq 37 mlrd dollarǵa deıin ósti.
Aldyńǵy eki jyl boıy Reseıdiń eń baı adamdarynyń tiziminde «Lýkoıl» munaı kompanııasynyń aktsıoneri Vagıt Alekperov kósh bastap turǵan. 2025 jyldyń qazan aıynda AQSh Qarjy mınıstrligi munaı kompanııasyna qarsy sanktsııalar engizdi: Máskeý bırjasynda «Lýkoıl» aktsııalarynyń baǵasy bir jyl ishinde shamamen 30%-ǵa tómendedi.
Osyǵan deıin Qytaı qaıtadan álemdegi mıllıarderler sany boıynsha kóshbasshy atanǵanyn habarladyq.
Sondaı-aq álem boıynsha mıllıarderlerdiń baılyǵy 2025 jylǵa qaraı 2,5 trln dollarǵa artyp, rekordtyq 18,3 trln dollarǵa jetkenin jazdyq.