Reseılik mıllıarderlerdiń baılyǵy jyl basynan beri $18 mlrd-qa ósti

ASTANA. KAZINFORM — Bıyl Reseıdiń kásipkerleri óz baılyǵyn $18,1 mlrd-qa arttyrdy, dep habarlaıdy Kazinform agenttiginiń tilshisi Bloomberg Billionaires Index («Mıllıarderler ındeksi») jarııalaǵan derekterge silteme jasap.

Indeks kásipkerlerdiń baılyǵyn olardyń kompanııalarynyń aktsııalarynyń qazirgi baǵasyna qarap esepteıdi.

Bloomberg derekteri boıynsha, «Metalloınvest» temir rýdasy óndirýshisiniń aktsıoneri Alısher Ýsmanov jyl ishinde eń kóp tabysqa qol jetkizdi — onyń baılyǵy $5,32 mlrd ósip, $18,5 mlrd-qa jetti. 

Sonymen qatar, Ýral taý-metallýrgııalyq kompanııasynyń negizin qalaýshy Iskander Mahmýdov $4,43 mlrd tabys taýyp, baılyǵy $7,58 mlrd-qa ósti.

Telegram messendjeriniń birlesip negizin qalaýshy Pavel Dýrov 2,44 mlrd dollar tabysqa ıe bolyp, baılyǵy $13,4 mlrd-qa jetti.

Bloomberg Billionaires Index tiziminde álemniń eń baı 500 adamy bar. Qazir tizimde 21 reseılik azamat bar, olardyń jalpy baılyǵy $306,5 mlrd quraıdy.

Esterińizge sala keteıik, buǵan deıin Forbes 2025 jylǵy eń baı qazaqstandyqtardy ataǵan bolatyn.

Sondaı-aq, Oracle negizin qalaýshy eń dáýletti adamdar tiziminde Ilon Maskty basyp ozǵanyn jazǵan edik.