Reseılik kompanııa elimizde 3 JEO salý úshin eksporttyq qarjylandyrý ala almady — Sklıar

ASTANA. KAZINFORM – Reseılik kompanııa elimizde 3 JEO salý úshin eksporttyq qarjylandyrý ala almady. Bul týraly Úkimet úıinde ótip jatqan baspasóz máslıhatynda Premer-mınıstrdiń birinshi orynbasary Roman Sklıar aıtty.

— Jalpy, álemde mynadaı tájirıbe bar. Belgili bir nysandy salatyn kompanııa óz elinen jabdyqtar ákeledi jáne olardyń bári eksporttyq qarjylandyrý alady. Ol tómendetilgen paıyzdyq mólsherlemeni bildiredi. Dál osy sııaqty «Inter RAO» kompanııasy eksporttyq qarjylandyrý alýy tıis bolatyn. Biraq, ókinishke oraı olar muny jasaı almady. Sondyqtan stansalardy derbes salý týraly sheshim qabyldandy. Keshe buqaralyq aqparat quraldarynda Kókshetaý jylý elektr ortalyǵynyń qurylysy qarqyndy kezeńde ótkeni týraly aqparat shyqty. Tapsyrys berýshi — «Samuryq Energo». Semeı men Óskemen stansalarynda da dál osylaı bolady, — dedi Roman Sklıar.

Ol reseılik áriptester tarapynan atalǵan nysandardy qarjylandyrý týraly usynys túsken jaǵdaıda «Samuryq Qazyna» kompanııasy olardy seriktes retinde tańdaı alatyndyǵyn aıtty. Sonymen qatar birinshi vıtse-premer ár nysannyń smetasy áli daıyn emestigin atap ótti.

Eske salsaq, byltyr sáýirde Qazaqstan Respýblıkasy men Reseı Federatsııasynyń energetıka mınıstrlikteri arasynda Kókshetaý, Semeı jáne Óskemen qalalarynda JEO salý jobalary boıynsha yntymaqtastyq týraly kelisimge qol qoıyldy. 

Keıin elimizdiń úsh qalasynda salynatyn jylý elektr ortalyqtary «Samuryq-Energo» kompanııasynyń teńgeriminde bolatyny belgili boldy. 

Energetıka mınıstrliginiń aqparaty boıynsha Kókshetaýdaǵy jylý ortalyǵy 2029 jyly, Óskemendegi ortalyq 2031 jyly, al Semeıdegi ortalyq 2032 jyly tolyq paıdalanýǵa beriledi.