Reseılik keıýana 20 jylǵa jýyq ýaqyt Qazaqstannan zeınetaqy alyp otyrǵan

Qos azamattyqpen júrgen 76 jastaǵy áıel adam Qazaqstannan 13 mln teńge zeınetaqyny zańsyz alǵan, dep habarlaıdy Kazinform tilshisi. 

Shyǵys Qazaqstan oblysy Altaı aýdanynyń 76 jastaǵy turǵyny 2002 jyldyń qarasha aıynda Reseı azamattyǵyn alǵany belgili boldy.

2004 jyly zeınetkerlik jasqa jetken áıel Qazaqstannan da jáne Reseıden de zeınetaqy tólemderin alyp otyrǵan.

Osynyń saldarynan memleketke keltirilgen materıaldyq zalal 13 mln teńgeden asty.

«Qazirgi ýaqytta shetel azamatynan Qazaqstan qujattary tárkilendi. Sondaı-aq ol QR azamattyǵynan aıyryldy. Quqyq buzýshyǵa QR ÁQBtK 496-baby 1-bóligi boıynsha 100 AEK mólsherinde aıyppul da salyndy», - dep habarlady ShQO polıtsııa departamentiniń baspasóz qyzmeti.