Reseılik ǵaryshker Balqash kóliniń ǵaryshtan túsirilgen sýretin jarııalady
ASTANA. KAZINFORM – Reseılik ǵaryshker, Reseı Batyry Oleg Artemev áleýmettik jelidegi paraqshasynda Halyqaralyq ǵarysh stantsııasynan (HǴS) túsirilgen Balqash kóliniń biregeı sýretter toptamasyn jarııalady.
Orbıtadan túsirilgen kadrlardan kóldiń erekshe jarty aı pishini men onyń aınalasyndaǵy landshaft anyq baıqalady. Osy oraıda jazba avtory áleýmettik jelidegi oqyrmandaryna saýal tastap, Balqashtyń ásemdigine tánti boldy.
– Sizder úshin Halyqaralyq ǵarysh stantsııasy bortynan ár jyldary túsirilgen Balqashtyń sýretter jınaǵyn daıyndadym. Sizderge qaı sýret kóbirek unady? – dep jazdy ǵaryshker Instagram-daǵy paraqshasynda.
– Raqmet!
– Súıikti Qazaqstanymyz ben Balqashymyz taǵy da nazarda! Bir sýretti tańdaý qıyn, bári de bir-birinen asyp túsedi
– Qazaqstannan sálem!
– Raqmet. Men Balqash qalasynanmyn.
– Balqashtan 400 shaqyrym jerde, Qaraǵandy qalasynda turamyn. Ekinshi sýret tipti keremet eken – dep oqyrmandar aqjarma tilegin bildirip jatyr.
Aıta keteıik, buǵan deıin májilis depýtaty Edil Jańbyrshın Úkimetke Jaıyq pen Balqashtyń ekojúıesin «Tsıfrlyq egiz» tehnologııasy arqyly baqylaýdy usynǵan bolatyn.