Reseılik baıqaýshy referendýmnyń uıymdastyrylýy jóninde: úırenetin nársemiz kóp
ASTANA. KAZINFORM — Referendým joǵary deńgeıde ári tyńǵylyqty uıymdastyrylǵan. Bul jóninde Reseı Federatsııasy Federaldy jınalysy Federatsııa keńesiniń Federaldyq qurylym, aımaqtyq saıasat, jergilikti ózin-ózi basqarý jáne soltústik ister jónindegi komıtetiniń tóraǵasy Andreı Shevchenko málimdedi.
Halyqaralyq baıqaýshylarǵa qoldaý kórsetý ortalyǵyndaǵy brıfıngte ol jańa Ata zań qabyldaýdyń mán-mańyzyn atap ótti.
— Jańa Konstıtýtsııa qabyldaý — memleket ómirindegi eń basty oqıǵa. Halyqty aqparattandyrý tyńǵylyqty júrgizilgen. Keri baılanys joǵary deńgeıde. BAQ jáne ǵalamtor arnalary arqyly kóptegen talqylaý, kezdesý ótip, Ata zańǵa engizilgen ózgerister ár azamatqa jetik túsindirilgen, — dedi A. Shevchenko.
Sonymen birge ol buqarany aqparattandyrý ǵana emes, basqa da daıyndyq jumystary minsiz atqarylǵanyna rızashylyǵyn bildirdi.
— Azamattar referendýmǵa belsendi qatysyp jatyr. Komıssııa músheleri de joǵary deńgeıde daıyndalǵan. Múgedektigi bar adamdarǵa daýys beretin barlyq jaǵdaı qarastyrylǵan. Bul da óte mańyzdy másele. Eriktiler men baıqaýshylar jumysyn sapaly oryndap júr. Búgin ýchaskelerdi taǵy da aralap shyǵýǵa múmkindik bolady degen úmittemin. Bári óte joǵary deńgeıde uıymdastyrylǵan. Úırenetin nársemiz kóp, — dep túıindedi reseılik baıqaýshy.
Aıta keteıik buǵan deıin referendým eshqandaı quqyq buzýsyz ótip jatqany jóninde halyqaralyq baıqaýshy málimdemesin jarııalaǵanbyz.
