Reseılik áıel atomdyq muzjarǵyshtyń álemdegi alǵashqy áıel kapıtany atandy

ASTANA. KAZINFORM — Marına Starovoıtova «ıAmal» muzjarǵyshynyń tuńǵysh áıel kapıtany atandy, dep habarlaıdy TASS aqparat agenttigi. 

Bul týraly Reseı atom salasynyń 80 jyldyǵyna arnalǵan saltanatty kontsertte jarııalandy. 

Starovoıtovaǵa kapıtan belgisin sahnada atomdyq muzjarǵysh flotynyń ardageri, aty ańyzǵa aınalǵan «Arktıka» atomdyq muzjarǵysh kapıtany, Soltústik polıýs izashary, «Lenın» jáne «Rossııa» muzjarǵysh kemeleriniń kapıtany, alys saparǵa júzý kapıtany Aleksandr Barınov tabystady. 

Buǵan deıin Starovoıtova «ıAmal» ıadrolyq muzjarǵyshy kapıtanynyń aǵa kómekshisi qyzmetin atqarǵan. 

Ol teńizde 20 jyldan astam ýaqyt boıy eńbektenip keledi, onyń ishinde 6 jyly atom flotynda ótti. Ol qyzmetinde qarapaıym teńizshiden kapıtannyń aǵa kómekshisine deıin kóterildi.

Buǵan deıin general-leıtenant Djeımı Speıser-Blanshet Kanadanyń Áskerı-áýe kúshteriniń qolbasshysy qyzmetin atqarǵan alǵashqy áıel atanǵanyn jazǵan edik.

Kazinform úshin arnaıy TASS seriktes agenttigi usynǵan.