Reseıliktiń ákesi SQO-daǵy turaqty mekeni joq adamdardyń arasynan tabyldy
PETROPAVL. QazAqparat - SQO polıtseıleri reseı turǵynyna ákesin taýyp berýge kómektesti, dep habarlaıdy «QazAqparat» HAA SQO ІІD silteme jasap.
Reseıdiń Tıýmen oblysynyń turǵyny departament basshysynyń blogyna hat jazyp, birneshe jyl buryn joǵalyp ketken ákesin taýyp berýge kómektesýdi ótingen. Ýchaskelik ınspektorlar joǵalǵan ákeni taýyp berdi. Ol turǵylyqty mekeni joq azamat bolyp shyqty. Qýanyshty habardy estigen qyzy Petropavlǵa kelip ákesin alyp ketti.
Qańtar aıynda ІІD blogyna áleýmettik jeliler arqyly shyqqan áıel departament daıyndaǵan beınematerıaldar men sýretterden óziniń jaqyn týysyn tanyǵany jóninde hat jazǵan. Beınematerıalda úısiz-kúısiz adamdardy túngi panalatý úıi kórsetilgen bolatyn.
